Thung U President ia U bah Thangkhiew, ban shim kum U Chief Justice ka Meghalaya

Shillong: U President ka Ri India, ula thung ia U Bah Hamarsan Singh Thangkhiew, ba un shim ia ka bynta jong U Chief Justice jong ka Meghalaya High Court, hadien ka jing mih noh jong U Ajay Kumar Mittal, uba long U Chief Justice ba mynta bad u ban leit noh sha Madhya Pradesh High Court.
U Justice Ajay Kumar Mittal, ula mih noh kum U Chief Justice ka Meghalaya High Court, ha ka 31tarik Risaw 2019 bad katei ka hukum myn hynnin ka sngi, ka dei kaba la pynmih da ka tnat kam ain jong ka sorkar India.

Na ka liang ka Supreme Court, ha ka 15tarik Risaw 2019, ka la thung U Justice Muhammad Raffiq, uba dei u nongbishar na Rajasthan, ba un shimti kum u Chief Justice ka Meghalaya High Court bad ka Supreme Court Collegium, ka la mynjur ruh ban thung ia U bah Wanlura Diengdoh, kum U Judge ba thymmai ka Meghalaya High Court.