Pynkhreh jing iakhih sa ki Muster Roll

Shillong: Ka All Meghalaya Muster Roll Progeessive Workers Union (AMMRPWU) ka kynhun ki muster roll ha ka jylla ba trei ha ki tnad sorkar bapher bapher, kala pyntip sha ki tnad sorkar ba ki la pynkhreh ban pynlong ia ka jingiakhih namar ba ka sorkar kam shym la ai dak eiei halor ki jingdawa ba bun jongki ha kane ka shi snem ba kila ap slem khamtam ban pynkiew ia ka bai nong.

Ha ka kyrwoh u president ka seng u bah N Lanong ula ong ba bun ki nongtrei muster roll kim shym la ioh jingsiew naduh u Lber bad kumjuh ka arrear.
Kiwei pat ki jingdawa ki long ban thungkam pura noh ia ki muster roll bad kumjuh ban pynduh ia ka jingai jingmut ka 5th Pay Commission ban pynduh noh ia ki muster roll. Kila dawa ba ka sorkar ka dei ban ai ka jingsiew kaba biang katkum ka kam nalor ka ESI, PF, EL bad kiwei.