Liem uwei, shah kem lai ngut ki ASAK ha ka jingiakhun Pyllait im, ia uba shah rahbor

Shillong, 1 Naitung:
Uwei u dkhot ka seng lehnoh ASAK u la liem ha ka jingiakhun bad ki pulit katba lai ngut ki wei pat ki la shah kem ha kane ka sngi Hatmajai.
Ha kajuh ka por ki pulit ki la ioh ban pyllait im ia u nong bylla u Ma noranjan Singh u ba shah rahbor ha kane ka sngi thohdieng.
Ki pulit ki la pynlong ka jingkhynra ha katei ka shnong Rewak kaba jngai 6 kilometer na Baghmara ha ka por mynstep. Une u dkhot lehnoh ASAK uba la liem la tip kyrteng kum u Bethma Ch Sangm 29 snem na ka shnong Silki chigrikgittim katba ki lai ngut kiba la shah kem la tip kyrteng kum u Arjen sing M Marak 19 snem, u Aiwal D Shira 19 snem na ka shnong Era Aning, Nongalbibra bad u Joshwa B Marak 19 snem na Rewak.
Ha katei ka jingkhynra ki pulit ki la ioh kurup ia ki tiar iasiat. Ki pulit ka South Garo hills ki la pynlong ia ka jingkhynra ban pyllait Singh bad u la iathuh ia ki jingdon jong kitei ki lehnoh kiba rahbor ia u sha katei ka khlaw.
U IGP (operations) u GHP Raju u la ong ba watla kiba haiing ha sem kim shym la ujor FIR hynrei na ka liang ki pulit hadien ba la ioh jingtip na ki paidbah ia ka jingdon jong u Manoranjan uba shah rahbor.
Ha ka jingiasiat hapdeng ki pulit bad kitei ki lehnoh, ka la neh kumba 20 minit bad ha kane ka jingiather, utei u lehnoh u la liem bad la ioh ruh ban pynlait im ia uba shah rahbor.
Ki pulit ki la ioh kurup kawi ka suloi 1 INSAS rifle, ki kuli 14, 5.56 mm, kawei ka suloi SBBL bad ar tylli ki tiar siat SBBL, kawei ka wireless, kawei ka shithi dawa pisa ka ASAK bad 8 tylli ki tikli ba la thylli.
Ia ka seng ASAK la thaw da u dkhot barim ka Garo National Liberation Army (GNLA) uba dei u Finance secretary u Reding T Sangma.