Kyntait ka sorkar India, ba ka la poi sha ka jing ia mynjur bad ki Naga

New Delhi: Ka khubor ba dang shu ioh ka iathuh ba ka sorkar India, lyngba ka tnat kam poh iing, ka la kyntait ba ka la don ka jing ia mynjur ban soi soskular bad ki jaitbynriew Naga. La ong ba kane ka khubor, ka dei tang ka hamsaia suda bad kaba pynmih ia ka jingsngew kulmar jingmut ha ki bynta jong ka Ri.

Ka tnat kam poh iing, ka kren shai ba ha shwa ban poi sha ka rai kaba kut, kan hap ban ia syllok shwa bad kiwei pat ki Jylla, kiba marjan, ba kynthup ia ka Assam, Manipur, Arunachal Pradesh.

Ha kawei pat ka liang, U Neiphiu Rio, ha ka tweet jongu, mynta ka janmiet, ula ong “Ngi ai ka jing sngewnguh kaba khraw ia ki kynhun kiba don bynta ha ka jingiakren ban poi sha ka jing ia mynjur lang. Khublei Narendra Modi, myntri rangbahduh, Amit Shah, na bynta ka jingsngewkhia ia ki jaitbynriew Naga”. U ai khublei ruh ia u ksiang jong ka sorkar India, uba dei ruh u Lat ka Nagaland, U RN Ravi, ki nongialam ka NSCN (IM) & NNPG, namar ka jing iai shah bad trei shitom jongki.