Ha ka KNGCSU, ban ioh klas:JSU

Shillong,1 Naitung:
Ka Jaintia Stu dents’Union (JSU) ka pynpaw iaka jingsngew khia halor ka jing jynjar jong ki samla pule ban ioh rung klass hapoh Kiang Nangbah Govt. College, Jowai namar ka jingkhapngiah ka college bad ka jingduna palat ki seat khamtam haka BA 1st Year bad Cl-XI Arts. Ka JSU ka la ong ba kane ka jingjynjar ban ioh rung klass hapoh kane ka college kala iaid mynta la lai saw snem mynshwa, hynrei na ka liang ka sorkar bad ka tnad pule puthi kam don satia ka jing bah khlieh namar wat la ki samla pule. Mynta ka kynti na ka liang ka JSU kala dep iakren sani bha bad ki nongialam jong ka KNGCSU bad kumjuh ia ki nongialam ki samla pule (Senior students) ban wad iaki lad ki lynti ban pynioh rung klass ia baroh ki samla pule ki bym pat ioh Admission, bad naka liang ka KNGCSU bad ki students leader ki la leh ia kaba donkam ha kaba ki la dep ia kynduh ia u Director ka Higher & Technical Education ha kane ka taiew bala deplem bad ka jingthoh ban dawa ban pynioh rung klass iaki samla. Kumta ka JSU ka la pynpaw ba ka shaniah beit ha ki nongialam jong ka KNGCSU & Students Leader ban leh ia kane kam, bad ki la pynpaw ruh ka jingkyrmen bad ka jingiatrei lang jong ka Principal, khlem pep kane ka jing eh kan jah noh, bad ka la kyrpad ia ki kmie ki kpa jong kito ki samla ki bym pat ioh rung klass ban long kiba iaishah bad ap sa katto katne sngi. Ha ka juh ka por ka JSU ka maham lypa ba lada jia ba ki samla pule kim ioh ban rung klass bad bteng ia ka jing pule kum ka seng kam banse ban leh da kaba tyngeh.