Shah rahbor, sa ka nonghikai ka skul ha Dalu

Shillong, 30 Jylliew:
Shah rahbor sa ka wei ka nonghikai ba hikai ha Dalu Higher Secondary School. Kane ka nonghikai ka la shah rah bor ha ki suba lehnoh.
Dang shen uwei nongkhaii juti, u la shah rahbor bad mynta la shah rahbor sa kawei ka nong hikai skul.
Kane ka nonghikai ka la shah rahbor na Karengre Lali temple kaba don kumba 20 kilometer na katei ka jaka.
Kane ka nonghikai ym shym la pynpaw kyr teng, ka la shah rahbor hadien ba ka dang wan phai na skul na Tura ha ka step sngi Nyngkong da ka auto ba shu wai ba don ar ngut ki nong shong. Katba kane ka auto kaba ka shong, la pynsangeh kynsan da ki briew kiba kiengatiar ha ka por 7 baje mynstep.
La iathuh ba kitei ki runar la suba jur ba ki dei ki dkhot seng lehnoh kiba kylli ia ki lai ngut kiba shong lan ha katei ka auto shaphang ki kam ba ki trei bad ki la rahbor ia katei ka nonghikai bad pynlait noh ia ki ar ngut.
Kane ka nonghikai ka dei kaba hikai ha Dalu Higher Secondary School, kaba dei ruh ka nongshong shnong katei ka shnong.
Ka jaka ba katei ka longkmie ka shah rahbor ka hap hi ha Dalu police station.