Poi hospital 4 ngut ki nongtrei ka EMRI 108 kiba shah thngan

Shillong: Saw ngut ki nongtrei ka EMRI GVK 108, kila poi sha hospital hasien ba ki la iakhih da kaba shah thngan ban dawa na ka sorkar ia ki hok jongki.

U president ka Meghalaya EMRI Workers Union (MEMRIWU) bah Roipar Kharrawai ula pyntip ba kine kiba shah thngan ki la shah pynkit noh sha jaka sumar hadien ba ki la kem tlot palat na ka jingshah thngan.

Lah ban kdew ba ki nongtrei ka EMRI GVK hapoh ka lama ka MEMRIWU kila sdang ia ka jingshah thngan naduh hynnin ka sngi ban pynbor ia ka sorkar ba kan tuklar ia ka kompeni ban ai ia ki mat jingdawa jongki. Shwa ia kane, kila pynlong ia ka jingiakhih da kaba shong kyraiñ la shi bnai.