Ha ka jingrakhe Diwali, ha ka miet jong ka 27tarik Risaw 2019, ha iing U Amitabh Bachchan, U Shah Rukh Khan, ula iarap lem ban pynlip ia ka ding, kaba meh ha ka sari jong ka Archana Sadanand, kaba dei ka Manager jong ka Aishwarya Rai.
La iathuh ba ha ka jing ialehkai tamasa ban pynmeh ia ki ding diwali, ka ding ka la ioh ban pur ha ki jain jongka Archana bad ha katei ka por, katba ka ding ka dang pur, U SRK, ula leit mar mar ban iarap ban kynrup ia ki jain jongka bad ula law ia ka jaket jongu bad pynlip ia ka ding ha ki jain jong ka Archana.
Ka Archana, ka la mong ki kti bad ki kjat jongka, kumba 15 percent eiei bad U SRK ruh u la mong malu mala ha ki bynta jong ki kti jongu.
Ka Archana, ka la leit shah sumar mar mar bad la iathuh ba ka jingjia, ka dei ha ka por 3baje mynstep jong katei ka miet lehkmen Diwali bad la iathuh ba ka Archana, ka don ha baranda bad ka khun kynthei jongka, ha kaba ki ia thang ia ki ding diwali.
Phi don ban ong eiei?