Nongpoh: Ka ophis treikam jong ka Deputy Commissioner ha ryngkat ka ophis U District Sport Officer, Ri-Bhoi District, Nongpoh, ka la pynbna paidbah ba kan pynlong ia ka jingiakop mareh kaba la tip kum ka “Run for Peace” (open category), ha ki Kynthei bad Shynrang, kaba dei ruh kum ka dak ban rakhe ia ka Rashtriya Ekta Diwas (National Unity Day) 2019.
Katei ka jingiakop mareh kan sa long ha ka 31 tarik mynta u bnai bad kan sa sdang naduh ka por 7 baje mynstep, kata na Saiden Indoor Stadium bad pynkut ha NSCA Indoor Stadium, Umlyngkdait.
Ka khusnam na ka bynta ki nongjop ha katei ka jingiakop kan long da ka Khusnam pisa bad kiba wan nyngkong kim ioh ia ka song pisa kaba T. 3,000, T. 2,000 ia kiba wan ba-ar bad T. 1,000 ia kiba wan ha ka kyrdan kaba lai. Ym tang kata hynrei kin don ruh ki khusnam ba kyrpang na bynta jong kito ki Nongiamareh ba Rangbah tam bad Barit tam ha ki Shynrang bad Khynthei.
Kumta na ka liang ka ophis u DSO, nongpoh, ka khot bad wer sngewbha ia baroh ki nongiamareh na Ri-Bhoi ba kin wan iashim bynta ha katei ka jingiakop mareh.
Kiba kwah ban iashim bynta, ki lah ban wan ai kyrteng ha ophis u DSO, Nongpoh, ha ki kynta treikam.
Phi don ban ong eiei?