Ka Jingkhlad, U Dolloi Ka Elaka Nongjngi

U Dolloi ka Elaka Nong jngi, ula khlad noh bad ha ka jingkhlad jong utei u rangbah, u don uwei uba kynmaw ieid ia u bad uta, u dei U Assistant Revenue Officer, ka District Council, Jowai. U bah SD Khong wir, uba dei ruh U MLA barim ka Maw lai, u phah ia i jingthoh lyngkot sha U Rupang, ha kaba ngi la pynmih kumne harum –
Hadien ba nga la ioh ia ka jingtip ba U Dolloi jong ka Elaka Nong jngi ula khlad, nga la don ka jingpyrkhat ba nga dei ban leit sha shnong jong u kum ka burom ia u briew uba nga la ia don bynta ban kyntiew ia u sha ka kyrdan Dolloi lyngba ka elekshon paidbah ha ka Elaka Nongjngi. Hynrei na ka daw jong ka jingshitom jongnga, ngam shym la lah ban leit. Nga la iakynduh ia u Dolloi tang shisien ha Iew Nartiang.
Mynba nga dang trei ha Jowai District Council kum U Assistant Revenue Officer (ARO), nga la dei ban pyndep ia kawei ka kam kaba jwat bha – bad kata ka dei banjied ia U Dolloi jong ka Elaka Nongjngi. Ka ophis kala khot ia ki nomination paper bad la ioh pdiang saw (4) tylli kynthup ruh ia ka nomination ba la thep da u wei uba na ka jaid Snieh. Lai ngut ki la buh ki jingujor ba ka jaid Snieh kam dei satia ka jaid /kur kaba don hok ban long Dolloi ha katel ka Elaka. Hadien kane nga la pynlut por shibun ban wad ia ka jingshisha. Ka long kaba shitom haduh katta.
Ha kawei ka sien nga la khot lang baroh sha ka ophis ha Jowai bad lyngba kata ka jingiakren bad ki baroh saw ngut, la lah ban pynbeit ia ka kam ban pynlong ia ka elekshon.
Ka elekshon ka la long bad ynda la niew ia ki vote la shem ba la jop pynban da u Ma Lyngngon Snieh – u candidate uba baroh lai ngut ki lapyrshah.
Nga don katto katne ban iapur khana halor kane. Lada don mano mano na ka Elaka kiba kwah ban ioh jingtip kaba kham bniah nga lah ban iathuh katba nga lah ban kynmaw.