Pyniasoh ar ngut ki MDC Congress sha ka NPP ha JHADC

Jowai: Mynta ka sngi, Ar ngut ki MDC ka Congress kynthup ia u Chairman barim, u ma Arborhima Darnei na Saipung bad u ma Aiborlang Shadap na Mukroh –Barato ki la wan ban rung sha ka sem ka National Peoples’ Party.

Ia kitei ki ar ngut ki MDC ka Congress la pdiang burom ia ki sha ka iing NPP ba thymmai da u President ka JHD , u ma Octowot Lamin, kiwei kiwei de ki nongialam ka Party ha ryngkat ka jingdonlang ki MLA ka NPP bad ki MDC ka NPP.

Ka khubor na ka party NPP Jaintia Hills kala ong ba kan sa don ka jingleh burom bad pdiang burom kaba kyrpang ia kitei ki ar ngut ki MDC tangba ia ka tarik ym sa pynbeit pat hadien.