Ki nongkitkam ka Sohra Labour Union

Shillong: Ka Sohra Labour union ka la pynthymmai ia ki nongkitkam hynnin ka sngi, ha ingdong jong ka Shnong Pdengshnong Sohra.La pyniaid ia ka jingialang da U President Bah Bawallam K. Mawpat bad la pdiang sngewbha da u General Secretary Bah Hilchestone Marshillong bad la ioh ia ki kaiphod na ki unit bapher bapher bad na ka Central body ka seng ka la ia rai ruh ban treishitom na ka bynta ka jingbha jingmiat jong ki nongbylla ka thain Sohra baroh kawei bad la pynthymmai ia ki nongkitkam jong ka seng na ka bynta u snem 2019- 22.

Ki nongkitkam ba thymmai ki long U bah Bawallam K Mawpat, President, Bah Hilchestone Marshillong General Secretery nalor shibun kiwei pat
Ka seng ka pyntip ruh ba kan sa rakhe ia ka jingdap 2 snem jong ka ha ka 14tarik Naiwieng 2019 bad ka khot ka wer ia ki para nongbylla sngi ban ia don lang ha kane ka sngi ban pynlonglong ia katei ka sngi kaba phuh ba phieng. Kum ka jinglehkmen ha kane ka sngi ka seng Kan pynlong ia ka Penalty shoot out ha ki ar bynta na ka bynta ki rangbah bad ki hep barit kiba hapoh 14 snem, kum shibynta ban pynmih pisa ban iarap ia ki longing ba duk ba donkam eh ka jingiarap ha Sohra.