Jur slap biang ha Sohra, yn ther jur u slap ha ki 24 kynta ki ban wan

Shillong: Ka Sohra, ka ioh slap 28.0mm ha ki 24 kynta ba ladep, katba ka Shillong, ka ioh 19.3mm bad ka Umiam, ka ioh 18.6 mm.

Ka tnat peit mariang jong ka sorkar India, ka Meteorological Department, ha ka kyrwoh mynta ka sngi, ka maham ba kan don ka jinghap slap kaba jur bad kaba jur shi katdei bha ha ki 24 kynta ki ban wan ha ki bynta kiba bun jong ka Jylla.