Shillong: Ha ki khyndiat sngi ba ladep, ngi la pynmih ia ka khubor, kaba iadei bad ka jing shah pyn sangeh U Pastor Rangbah ka Balang Presbyterian, katba u dang kren ha ka jingiaseng ha Lawbyrtun bad na ka bynta ban ioh jingshai kaba kham bniah, U Rupang, ula iakren hynnin ka sngi, da ka mobile bad U Pastor PWL Marwein, na ka bynta ban sngewthuh kham shai, ia kaei ka jingkren jongu, ha katei ka jingiaseng, kaba la pynlong ia U Moderator, ba un pynsangeh noh shiteng ia ka jingkren jongu.
Ha ka jingiakren bad U Pastor, une u nongthoh, la ula kren ne em shaphang u aadhar number ha katei ka por bad U Pastor, u la ong “Na ka ktien jongnga kam pat mih ha kato ka por, nga dang poi, tang haduh ka jing pynlong ia u 660 dot”. Ula ong shuh shuh “Ha kaba iadei bad u aadhar, kam pat mih na ka shyntur jongnga khyndit ruh”.
U Pastor Marwein, uba la long Pastor naduh u snem 1967, ula iathuh ba ka jingkren jongu, ha katei ka sngi, ka dei kaba ula shim na ka Jingpynpaw 13 lynnong bad ki dkhot naduh 14 haduh 18, ha kaba ka sobjek jongu, ka long shaphang u nong shukor. U Pastor, u iathuh ba ha ka jingkren jongu, kaba dang 10 ne 15 minit eiei, ula iathuh shaphang ka jing pynlong ia u universal number 66, ha kaba ki la poi haduh ban kut noh u 66 dot dot dot, lai tylli ki dot bad ki la khot universal respond code bad ki buh ia ki shap jongu ar tylli ki bar code dot dot dot bad u qr code dot dot bad kita ki long ha ka buit ki saiantis. U Pastor, u ong shuh shuh ba ula kren ha katei ka sngi, ba ka jingkhot kyrteng ka new world order ia utei u number, ka dei u universal respond code bad ka shap jongu, ka long biometric ne biometric thestic code bad ula ong shuh shuh ba ka jingmut jong u universal code, ka long ba ka pyrthei baroh kawei, ka la pyndonkam lang ia utei u number, wat la ki don la ki jong ki jong ki kyrteng, kumba ka India, ka jer kyrteng da u aadhar bad ka America, da U Social Security Number (SSN) bad kiwei ki Ri ruh, ki don la ki jong ki jong ki kyrteng.
La iathuh shuh shuh U Pastor Marwein, ba naduh ba ula long u nongsharai ka Balang Presbyterian, naduh u snem 1967, um pat ju shah pynsangeh satia, wat shisien ruh, ha ka por ba u iathuh khana. Hynrei, ula ong shuh shuh “Haba ong ban shong ban sangeh te, hap shong, sngew lei lei, da dei ba kren sih iano iano bad sobjek ruh ka iaid ban kren kumto”.
Ha ka jingiakren bad u nongthoh, U Pastor, u sot biang ia ki jingkren jong ka Baibl, ha kaba u ong “Lano uno uno uba mane dem ia u mrad khlaw, ia ka dur jongu, u pdiang ia ka shap ia ka kyrteng jongu, na ka kti na ka shyllangmat, un hap ha ka jingkhie bitar jong u Blei, un hap ha ka jing pynkordit U Blei, da ka ding da ka kyndok. Jingpynpaw 14 lynnnong 9 haduh 11”.
Nga kwah phone number jong u pastor marweiñ
Sngew thamula ka rukom ialap ??
Sngw thamula kata ka rukom ialap ?
Nga sngewshyrkhei. U modertor ka Synod un pynsangeh ia u nongiathuh khana. Kum u bym tip eiei, ngam nud ban ong ba ka jingkren u pastor Marwein ka dei ne ka bakla. Ka jingkylli ka long uei uta u 666 ne kata ka shap uta u mradkhlaw ba la kren ha ka Bible???… Hato u nongiathuh khana uba pyniasyriem ia ki ID number babun ha pyrthei bad uta u 666 u dei uba la ïoh jingshai na U Blei ne sngewthuh bha??? Hato kiwei ki bym sngewiahap kynthup ia u moderator uba pynsangeh ki thikna ba kita ki number Kim dei ne don jingiadei bad u 666???? Lada ngim thikna, kynmaw ngi don ka jingkitkhlieh. Lada u nongkren u bakla, u dei u nongpynphriang ia ka khubor lamler, lada u nongpynsangeh u bakla, u dei u nongbein Blei. Shyrkhei shyrkhei.. Ka jingijli bapynduh la ieng wat ha ka jaka kyntang ruh..
Ka jingkren I pastor ka long ka ba dei eh ia ka ban kyrsiew ia kane kapateng bynriewba bymman eh.Ka Jing ai jingbatai jong i ka ba la pynshong nongrim na ka Kitab ba khuid Ka Bible.Ia kaba la pyndep hakine ki sngi ba ngi im ba ha pyrshah ki khmat ki ba ngi iohi pyllein.Ha ri India ma pynshlur ba leh da ka digital payment bad ia baroh ki ki kam yn leh da ka digital.Digital ka mut cashless ne khlem pyndon kam shuh ia ka pisa.UAdhaar card ia una la saindur ba un pyndep ia ka jingthmu ka digital india,bad sa tang khyndiat por u no uno u bym don adhar um lah shuh ban die ban thied bad ban leit banwan namar baroh la pyniaid ia ngi da u adhar.I pastor i kren ia ka ba dei eh hynrei u moderator u la shah ia llam bakla ha ki bor ki jingdum dei na kataka daw ia ka ba dei u Ong ka bymdei ia ka Jing shai ki khein ka Jing dum.kum ba la thoh ha ka kitap Isaiah 5:20.To uU Blei un nang aibor ia i pastor .Khublei.