Pynliem ka Langsning ia ka Nongrim Hills da 2-1

Shillong: Ka Langsning FC ka la jop da 2-1 ia ka Nongrim Hills ha ka jingiakhun ka Shillong Premier League 2019 ka Shillong Sports Association hynnin ka sngi ha madan JN Stadium Polo, Shillong.

Ha ka jingiakhun, ka Nongrim Hills ka la ioh ban pynkhih ia ka jar lyngba u B Swer ha ka 48 minit ban tam da 1-0. Hadien ka Langsning khlem poi pyrkhat ka la pynphai kylla ar kol lyngba u K Pale ha ka 83 bad 89 minit.

Da kane ka jingjop, ka Langsning ka la ioh khur 13 point ha ka kyrdan balai na ki khyndai sien iakhun bad ka Nongrim Hills ka la khur 9 point na ki khyndai sien iakhun.
Lashai ka sngi ka jingiakhun kan long hapdeng ka Ryntih bad Nangkiew Irat ha ka por 2.45 baje janmiet.