Pynbam ka Lajong 6-0 kol ia ka Laban ha ka SPL

Shillong: Ka Shillong Lajong FC kala pynliem ia ka Laban SC da 6-0 ha ka jingiakhun ka lympung Shillong Premier League (SPL) kaba long myn hynnin ka sngi ha JN Stadium.

Ha katei ka jingialehkai, ka Lajong ka la lah ban thep haduh 6 kol katba ka Laban pat kam lah thaw pyrthei ban ioh thep kol. Ia ka kol ba nyngkong na ka bynta ka Lajong la ioh ban thep da u Kynsai Khongsit ha ka minit ba 13. U Maxderidoff Wahlang pat u la lah ban thep ia ka kol ba ar ha ka minit ba 35 napoh ka box.

U Phrangki Buam pat u la iarap shuh shuh ban nang pyntam ia ka Lajong haba u la thep ia ka kol na shabar ka box lyngba ka freekick ha ka minit ba55. Ha ka jingiathep kol, u Parvaj Bhuiya ruh u la lah ban don kyrteng ha ka thup ki nong thep kol na ka bynta ka Lajong mynta ka sngi haba u la thep ha ka minit ba 69. Katba u Naorem Mahesh pat u la thep ia ka kol ba hynriew ha ka minit ba 85.
Ka Shillong Lajong da katei ka jinglah jong ka ban pynliem ia ka Laban, mynta ka la kamai 15point na ki phra sien ialehkai. Ka jingiakhun ban wan ka Lajong kan long pyrshah ia ka Nongrim HillsSC ha ka 28tarik mynta u bnai.
Lashai ka jingiakhun kan long hapdeng ka Langsning FC pyrshah ia ka Nongrim Hills SC.