Shillong: Ha ka sngi saitjain bad sngi U Trai ba la lah, ha ka jingiasengsyllok ki Pastor jong ka KJPSynod Sepngi kaba la long ha ka Balang Presbyterian Lawbyrtun la ioh ki jingkren na ki nongkren ha ka Sngi U Trai. Ia ka khubor ha ka por mynstep la kren da uwei na ki Pastor ba la shongthait, U Rev. P. W. L. Marwein.
Hynrei kaba sngewsih ka long, ba la dei ban pynsangeh noh ia U shiteng da U Moderator ka Synod, namarba la ngeit ba ka sermon jongu ka ialam bakla khamtam ia ki paidbah riewngeit.
Utei u Pastor u la pynshongnongrim na ka Kitab Jingpynpaw 13: 11-18 ha kaba u la kren shaphang ka jingtreiborbah u soitan. Hynrei ka mat ba ialambakla ka long shaphang ka jingpyniadei jongu bad u number salonsar (biometric/adhaar). Haba la iohsngew ia ka phang ba ialambakla, U Moderator shisyndon u la pynsangeh noh ia ka jingkren bad utei u Pastor ruh u la hap ban shongnoh shisyndon.
Lah ban pynkynmaw hangne ba une u Pastor kham mynshuwa u la shah khot hajir hakhmat ka Synod halor kane kajuh hi ka daw kaba u la pynmih jingthoh ha ki kotkhubor.
Ka jingkylli hangne ka long ia ka jingstad jong ka Synod, Balei wat haba la jia kumta la dangailad biang ban kren khamtam ha ki jingiasengpaidbah?
U briew u lah mo ban pynsangeh lada ka dei ka mon ka jong U Blei ?.
Ne tang ban pyndep ia ki jingiathuh lypa u Daniel ba ha ki sngi ba khaduh u briew u pynlong blei ialade bad um baroh u briew uba khot ianga Ah Trai Ah Trai um ioh rung sha ka hima ki bneng kumba leh u Judas tang ban heh saipan ialade, ne kum u samla riewspah
Ngam lah sngewthuh shuh, ai nguh ia u Blei namar kine kiei kiei baroh nga kyrpat ia u pastor ba un duwai lem namar jong u ba un ioh ka jingshemphang.
U briew u lah mo ban pynsangeh lada ka dei ka mon ka jong U Blei ?.
Ne tang ban pyndep ia ki jingiathuh lypa u Daniel ba ha ki sngi ba khaduh u briew u pynlong blei ialade bad um baroh u briew uba khot ianga Ah Trai Ah Trai um ioh rung sha ka hima ki bneng kumba leh u Judas tang ban heh saipan ialade, ne kum u samla riewspah
Ngam lah sngewthuh shuh, ai nguh ia u Blei namar kine kiei kiei baroh nga kyrpat ia u pastor ba un duwai lem namar jong u ba un ioh ka jingshemphang.