Ar, lai hajar shah dain kuna ki kali kit jhur, ha ki jingkieng thew kali

Shillong: Ka Khasi Jaintia Fresh Vegetables Supplier Association ha ka jingialang kaba la ia kynduh ha ka 19tarik Risaw 2019, kaba la long ha office ha Mawlyngad ka la pyllait ia ka Road Chalan jong ka Association bad kane ka Road Chalan ka long thik tang ban kit ia ki marrep bad kane ka jing pynmih ia kane ka Chalan ka long ba ka jing shah pyndik bad shah dawa Pisa na ki Kali kit jhur ha surok bad khamtam ha ki jaka thew kali, ha kaba ki ju dain kuna overload ia ki Kali kit jhur bad ia ka juh ka Kali hap thew haduh lai tylli ki Weighbridge hynniew mer, Umtyra,Ratachera bad la iathuh ba ka kuna jong kitei ki weighbridge ka long haduh ar, lai hajar bad kaba la ktah haduh katta katta ia ki nong shalan jhur.

Na ka liang ka seng, la iathuh ba ki la dep kynduh ia baroh ki weighbridge wat haduh mynta ruh ki dang bteng ban dain kuna heh bad ki juh pynieng da ki kynta kynta, namar ba ka dei ka marpyut.

La iathuh ba halor kane ka jingeh jong ngi ki nong shalan jhur, ki la dep ia kynduh ia u Asst Commissionor ka Tnad Transport bad kin sa leit kynduh sa ia u myntri ka Rep ka Riang bad ia u Minister Ka tnad Transport bad lada ki Kali kit jhur, ki dang shah pyndik lane shah khrong Pisa heh, yn sa lum da ka jingialang paidbah bad ki nongrep.