Pynduh ka EC ia ka Committee Mawphlang

Shillong, 26 Jylliew:
U Executive Member ba peit ia ka tnad ka Art and Culture ka KHADC u Bah Teinwell Dkhar u la iathuh mynta ka sngi Palei hapoh ka iing dorbar ba ka Executive Committee (EC) thymmai hapoh ka jingialam jong u Bah Ardent M Basaiawmoit ka la pynwai noh ia ka Khasi Heritage Village Management Committee (KHVMC).
“Mar ia shimti ia ka shuki, ka EC ba mynta ka la pynduh noh ia baroh ki Committee ba la thaw da ka EC barim,”, la ong u Bah Dkhar haba jubab ia ka jingkylli hynne ka sngi ha iing dorbar ka KHADC.
U la ong ba ka EC ka la thaw biang ia ka KHVMC ha ka 23 tarik Jylliew.
U la ong ruh ba kiba bun ki dkhot kane ka komiti ki dei ki juh bad la thung thymmai tang katto katne ha jaka jong kito ki MDC ba la rem noh.
Halor ka jingkylli, la yn pynlong biang ne em ia ka rong ka raw ha Mawphlang ha kane ka sien, u Bah Dkhar u la ong ba ka EC kam shim kano kano ka rai halor kane.