Kiew bai thang ding sha thain Sohra

Shillong, 26 Jylliew:
Ka mih ka jing ujor na ki nong thang ding ilektrik sha thain Sohra, ba kynthup ia ka Lait kynsew, Mustoh, Nong war, Mawshamok bad Tyrna, ba ka don ka jing leh thummur bad klumar ka MeECL Sohra, ha kaba ka bai thang ding, ka la kiew shaba palat.
Ki nongthang ding, ki lyngngoh, ba wat haba ka don ka jingpynlip ding, kaba kumba 10 ne 12 kynta ha ka shisngi hynrei kaba sngewsih pat ka long hadien ba ka bai siew, ka kiew palat haduh katta katta bad la kynnoh, ba kane ka dei ka jingbymleh hok ban wan peit ia ki meter, da ki nong trei na ka ophis khlem da wan peit bad khmih.