16 nailar iakob skit biria ka SBUK

Shillong,25 Jylliew:
Kum shibynta na ka jingrakhe ïa ka Lyngkhuh Snem Rupa, ka Seng Biria U Khasi , SBUK kan pynlong ïa ka “Úakob Skit Biria” hapdeng ki Kolej ha ri Khasi-Jaiñtia, ha ka 16 tarik u nailar 2014, ha U Soso Tham Auditorium, naduh ka por 11 baje mynstep. Ha katei ka sngi, yn don lang ruh u Bah Pradip Kurbah, uba long u nongshna phlim ba pawnam, iu ban bniah ïa ki sap ak drama jong ki nongïashim bynta, khnang ba yn ïoh ban pynshlur ïa kito ki samla kiba don sap ban nangpyntbit shuh shuh, da kaba ai bynta ha ki phlim jong u. Kumta, ka SBUK ka kyntu jur ïa ki samla pule Kolej ban ïashim bynta ha kane ka jingïakob skit biria, kaba long ka kabu kaba khraw ïa ki ban pynpaw pyrthei ïa ka sap ka phong kaba ki don.
Ka SBUK kan pynlong ruh ïa ka “Iakob Rwai Biria” ha ka 2 tarik u nailar 2014, ha kajuh ka jaka, naduh ka por 4.00 baje janmiet, bad ki buskit ïa ki nongjop ki long T.6000, T.4000 bad T.2000 ryngkat ki trophies. Ha kane ka jingïakob, ki nongrwai ki lah ban rwai da kino kino ki rukom rwai kiba ki kwah, kynthup ïa ki phawar. Úa ki form bad ticket lah ban ïoh na ki dukan ba la buh, lane wad jingtip na u No.9863023736 ne 9863069359, katkum ka kyrwoh na u bah Wan Kharkrang President ka SBUK.