Dang iai ap khmih ki paid riewngeit ka balang katholik ban poi noh ka met u Bishop

Shillong: Ka khubor halor ka jingkhlad kyndit jong u Archbishop Rev Dominic Jala jong ka jylla niam bah Shillong ha ka 10 tarik u Risaw 2019, ha ka jingtyngkhuh kali ha Colusa County ha ka jylla California America ka la wanrah ia ka jingiam briew ha ki paidbah riewngeit jong ka Balang Katholik. Na ka liang ki paidriewngeit jong ka balang Katholik solonsar ki dang iai ap khmih lynti ban poi noh ka met jong u Archbishop Rev Dominic Jala sha Shillong.

Kat kum ki khubor la iathuh ba ynda ki la wanrah ia ka met jong u Archbishop Rev Dominic Jala na USA sha Guwahati Airport,na Airport Kin rah shuwa ha Guwahati st Joseph Churh,kin pynrung ruh ia ka met sha Byrnihat Parish, bad sha Nongpoh Parish nangto kin iaid na Mawlai byepass sha ing sah jong i Domimic Jala bad yn pynlong mass ha Mawlai Parish bad kin sawan rah sha Cathedral of Mary help of Christian, Laitumkhrah.

Ha iingmane Cathedral of Mary help of Christian, kin buh shisngi ia ka met jong u Archbishop shuwa ba kin pyndep ia ka jinglehniam ba khadduh khnang ba ki paid riewngeit kin ioh ban peit khadduh ia U Archbishop Rev Dominic Jala.

Yn tep pyndonburom ia U Archibishop Rev Dominic Jala ha syndah jong ka ing mane Cathedral of Mary help of Christian, ha Laitumkhrah.

Ia u Archbishop Rev Dominic Jala la kha ha ka 12 tarik u Naitung 1951 ha Mawlai Phudmawri, u la rung sha ka jingiasyllok riewniam Salesian bad la pynkyntang Lyngdoh ha ka 19tarik u Naiwieng1997 bad u la shah jied kum u Bishop bad pynkyntang bishop ha ka 02 tarik u Iaiong 2000 ban peit ia ka jylla niam bah Archdioceses Shillong.