Iakhaid ka Lajong bad ka Rangdajied ha ka SPL

Shillong: Ka jingiakhun jong ka Shillong Premier League myn hynnin ka sngi, ka la sakhi ia ka jingiakhaid 1-1 hapdeng ka Rangadjied United FC bad ka Shillong Lajong.

Ia ka Lajong la thep da u Phrangki Buam ha ka 7 minit jong ka jingiakhun hynrei shwa wai ka kyllastep, ka Rangdajied ka la lah ban pynphai kylla ban pyniakhaid.

Ka Rangadjied ka la iakynduh ia ka khim khait hadien ba ka la shah beh uwei u nongialehkai u Wallamsuk Nongkhlaw haka 25 minit namar ka jingialehkai pyrshah ia ka ain.
Ia kane ka kol, ka Rangdajied la pyniakhaid da u Aiborlang Khongjee shwa ban wai ka kyllastep.
Ka Shillong Lajong kan iakhun ia ka Laban ha ka 23 tarik.
Lashai ka sngi, ka jingiakhun kan long hapdeng ka Langsning pyrshah ia ka Nangkiew Irat.