Ki dieng ki siej

• [ba bteng] Ka Um —Ki dieng ki dei kiba hakhmat eh ban iarap bat iaki umslap Ki ba tuid bad iarap naki jingma nakaba shahrong noh ha ki umsaw bad naki jingtwa khyndew. Ki thied kiba lang hapoh khyndew ki long kum ki jaka pyllang um, ki bret iaki jaboh bad kjit suki iaki um badon shapoh khyndew. Ha kane ka rukom ki iada naki jingshah ktah naka jingtwa ki rud um bad pynduna ki jingma na ka jinghoit palat ka um bad naka jingshlei um. Kat kum ka Food and Agriculture Association of United Nations (FAAUN), u wei u diengbah u lah ban bat palat khatsan hajar litar ka um man la u snem. Namar kata lada phi pom pathar iaki dieng, kane ym tang baka pynjot iaka mariang hynrei kan pyntyrkhong ruh iaki jaka pyllang um shapoh khyndew.

3.Biodiversity —- U wei u dieng bah u lah ban long ka iing naka bynta ki spah tylli ki khniang barit, ki mang kariang, ki mrad ba ri khun, u phlang jem bad ki jingthung jingtep. Ka shong katkum ki jait bam bad ki jaka rieh baki donkam. Ki mrad ba har rukom ki donkam laki jong ki rukom im ne rukom sah. Khlem ki dieng ki jingthaw ba im ha khlaw kin ym lah ban thaw ne shna iing shna skum. Dei namar kata haba don ka jingpom dieng pathar ka pynjot noh iaki iing ki sem jong ki hajar tylli ki jingthaw ba im ha khlaw.

• Ka jingkoit jingkhiah —- Ka jingkoit jingkhiah ka wan naka lyer khuid baphi ring mynsiem bad ka jing khuid ka lyer ki wan naki dieng kiba don sawdong sawkun jongphi. Lada phi ring mynsiem iaka lyer jakhlia kane kan pyniohpang iaphi bad kan ktah shi katdei eh iaki dkhot met jongphi. Hato phi ju iohi baki nongpang kiba thiah pang ha hospitals haki kamra ba lah ban iohi shibun ki dieng ki kham iohbor kloi ban iakito ki bym lah ban iohi iaka juh. Phin ym lah ban kiar naka jingsngew phuhmat haba phi iaid lyngba ki jaka ba don dieng. Lyngba ki lyer khuid kiba Ki dieng pynmih ki iarap ban pynduna iaki jing khuslai jingmut ban kwah tip bad ailad iaphi ban don ka jingieid bad ka jingiadei kaba jan bad ka mariang. Haba khein kyllum lang ka jingkah syrngiew bala tap daki dieng ki iada iaki sniehdoh naka jingshahthang haka sngi.
• Ka jinglong ka suinbneng —- Hato ki air conditions ne ki cooler ki lah ban pynpjah ne pynthanda ia ka jingkhluit ka suinbneng? Em, dei ki dieng kiba lah ban pynpjah ia ka jingkhluit ka suinbneng dakaba kjit iaka lyer jakhlia shapoh bad pyllang iaki kum ki carbon dioxide hapoh ki metbah, ki tnad bad ki sla jongki bad pynmih pat iaka lyer khuid oxygen haki sawdong sawkun jong phi. Ka jing bunbriew ka lah ban nangkiew kat nang iaid ki por te ka jingkakhlia bad ka jingkhluit tasam kan long ka jingbyrngem na ka bynta iwei pa iwei. Namar kata ka jingthung ia ki dieng ka long kaba donkam eh ban lait naka jingshah ktah naka jingkhluit ka suinbneng (Global Warming).