Dei ban pynduh jait ia ka RSS, ong u heh duh ka Akal Takht

U heh duh jong ka Akal Takht lane ka kynhun jong ki Sikh, ka dawa ba dei ban pynduh pyndam noh ia ka Rashtriya Swayamsevak Sangh (RSS) bad ula kren ia kitei ki kyntien hynnin ka sngi, ha kaba u ong ba ka RSS, ka dei kaba pynjot thiaw ia ka India.

“Hoid, ka dei ban pynduh noh shi syndon. Nga ngeit ba ka RSS, ka don ia ka jingthmu ban pynpait ia ka India. Ki jingkren jong u nongialam jongka, kim dei kiba bha na bynta ka Ri” ong u heh duh ka Akal Takht, U Giani Harpreet Singh, haba iakren hynnin ka sngi ha Amritsar bad u dawa ia ka sorkar India, ba kan tuklar mardor ia katei ka seng.

Na ka liang jong U Gobind Singh Longowal, u heh duh ka Shiromani Gurdwara Parbandhak Committee (SGPC), u pyrshah jur halor ka jingkren jong U Mohan Bhagwat, ha kaba u khot ia ka India, ka “Hindu Rashtra”.