Leit tam niut U Modi, ha ki rud um jong ka Mamallapuram hynnin mynstep

Shibun ki nongialam jong ka thain shatei lam mihngi, ki ai jingiaroh shi katdei ia U Narendra Modi, myntri rangbahduh, haba u pynlut por hynnin ka sngi ban lum niut ha ki rud um jong Mamallapuram ha ka por mynstep.

U myntri rangbahduh, u pyni ia ka video, kaba 3 minit 2 sekhon, kaba la peit da ki 6lak ngut, ha kaba u iaid da ka kjat suda bad u lum ia ki niut ki nier bad ki jaboh jabain na katei ka rud um bad u sa buh ha kawei ka pla bad aiti ia kitei ki niut ha uwei na ki nongtrei jong ka hotel, uba kyrteng U Jeyaraj.