Yn thalain ka liang pyrshah, ia ka EC ha ka dorbar KHADC

Shillong, 20 Jylliew:
Ka Dorbar lyiur ka KHADC kan sdang ha ka sngi Nyngkong. Ki liang pyrshah ba ialam ka Congress, ki la thmu ban tha lain ia kane ka EC ba ka ialam da u Bah Ardent M Basaiawmoit halor ka mat kynthup ka Rong ka Taw ba la pynlong ha Maw phlang, ka jingweng Syiem ha ka Hima Mawlai Sohmat, bad ka jingkhyn ra trading license nalor kiwei ba kane ka EC ka la leh. Ka jingweng kynsan ia u Syiem ka Hima Maw lai Sohmat, kan long ka mat ba kham khluid bha namar ba u nongialam liangpyrshah ha KHADC u Bah Pynshngain N Syiem u dei uba bat teng ia kane kam Syiem shwa ban shimti u para jongu ia kane ka kam.
Kawei pat ka dei jingkhynra trading license ia ki bar jylla kaba la thnem bha ha kine ki sngi. Katkum ka khubor na ki katto katne ki MDC liangpyrshah, la iathuh ba ka jingthmu kane ka EC jong u Bah Ardent ban pynlong ia ka jingtohkit ia ka jingsuba ba pyndonkam bakla ia ka pisa na ka bynta ka jingpynlong ia ka Rong ka Raw Tynrai ha Mawphlang kan dei ka mat kaban shongshit bha ha ka jingiatainia.
Lah ban kdew ba u Bah Ardent kham mynshwa, u la ai ksai ba ka EC kan thung ia ka jingtohkit halor ka jingsuba ba ka lah ban don ka jingpyndonkam bakla ia ka pisa ha ka jingpynlong ia ka Rong ka Taw ha Mawphlang mynshem snem. Ia kane ka tamasa la pynlong da ka EC barim ba la ialam da u Bah Pynshngain kum u CEM hapoh ka lama ka Khasi Hills United Democratic Alliance (KHUDA) ba kynthup ia ka UDP, HSPDP bad Independent.
Ka All Regional Parties Alliance (ARPA) thaw da ka HSPDP, UDP bad ka KHNAM hapoh ka jingialam u Bah Ardent M Basaiawmoit kum u CEM.