Thep kam noh mardor, dawa ki Nurse na ka sorkar

Shillong, 20 Jylliew:
Ki nurse hapoh ka lama ka Meghalaya Government Nursing Service Association (MGNSA) ki la kyntu ia ka sorkar ba ka dei ban thep kam noh mardor ia ki kam nurse ba lait kumba 200 tam eiei.
“Ka jingpynslem ban thep kam ka la pynkhia ia ki kam jong ki nurse.
Ka jingduna nurse, ka la pynlong ia kiwei ba kin trei palat ia ka por hapdeng ka jingeh,”, la ong ka general secretary ka MGNSA ka Kong B Thabah ha ka shithi ba la phah sha u Principal Secretary ba peit ia ka tnad ka koit ka khiah ka jylla ha kane ka sngi Palei.
Ka la ong ba bun bah ki nurse ki shem jingeh bad ioh pang namar ka jingtrei palat na ka jingban ka kam.
Ka kong Thabah ka la ong ba ka long kaba sngewsih ba ka sorkar ka la rai ban nym kynthup ia ki nurse ha ka selection committee ka tnad.
“Ngi dawa ba ka nurse ki don kiba tbit bad dei ban kynthup lang ha ka committee namar ba tang ki nurse kiba ai jinghikai ia kiba pule ha ki skul, ha kolej”, la ong ka general secretary ka MGNSA.
Ka la ong ba ki nurse kin hap leh eiei lada ka sorkar kam lah ban pdiang ia ka jingdawa jong ki.