Shillong: Ka East Khasi Hills District ka la long ka la lahduh ha ka lympung ïalehkai Wushu kaba la tip kum ka 17th Meghalaya State Level Wushu Championship 2019 ba la pynlong da ka Meghalaya Wushu Association (MWA), katba ka Ri-Bhoi District ka la jop ha ka kyrdan ba nyngkong ka West Khasi Hills District ha ka kyrdan ba ar.
Ia kane ka lympung ïalehkai la pynlong ar sngi ha ka 7 bad 8 tarik Risaw ha Indoor Sports Hall Polo, Shillong ha kaba la wan ban ïashim bynta haduh 150 ngut ki nongïalehkai kynthup ïa ki nongpynïaid na ki District kum ka East Khasi Hills, Jaiñtia Hills, Ri-Bhoi bad West Khasi Hills District.
Ia kane ka lympung ba ar sngi la wan ban pynhap pyrda noh da u Bah Ian Lyngdoh Vice President ka Meghalaya State Olympic Association haba kren ha katei ka sngi u la ai mynsiem ïa ki nongïalehkai Wushu ba kin nang ïai tei shitom ha ki snem ki ba dang ban wan bad u la pyntip ruh ha kaba ïadei bad ka Meghalaya Games ka ban sa long shen ha u Bnai Nohprah.
Ha kane ka sngi kut la don lang u bah Ian Lyngdoh u Vice President MSOA kum u kongsan.
Phi don ban ong eiei?