Shillong: Ka KSU Mawlai Circle lyngba ka jingtrei shitom jong kawei na ka tnat treikam jong ka KSU Mawlai Mawroh Unit, myn hynnin ka sngi, ha ka por kumba 2baje 2shiteng nohphaisngi sngi, ka la iohkem noh ia 5ngut kiba kynthup lang bad nongdie.
Hadien ba la suba bad ishankhmat iaka rukom iaid rukom ieng jong kitei ki briew na ka liang ki dkhot jong katei ka shnat treikam ki la bat iaki bad mardor ki la pyntip sha ki pulit jong ka Pasteur Beat house ba kin leh iaka ba donkam.
Hadien ba lawan ki pulit na Pasteur bad jong ka tnat Narcotics la pynlong ia ka jingkhynra ia ka met jong ki bad ha katei ka jing khynra na ka met jong u Khrawbok Pamthet 25snem na Mawlai Nongpdeng uba la suba ba u dei u nongkhaii la ioh ban kurup ia u drug uba poi ka jingkhia kumba 0.94grams ryngkat ka pisa kaba don ka long T.16,590 ia kaba la suba ba ka dei ka pisa kaba u ioh na kaba die drugs,katba na ka met kitei ki 4ngut kata na u Bokstar Syiemlieh 23snem na Umiam Nongsder,u George Nonglait 26snem na Wahingdoh Block 1, U Aman Sunar 20snem na Laitumkhrah Upper New Colony bad u Evenzar Basaiawmoit 30snem na Wahingdoh Block 2, kiba suba ba ki dei tang ki nongdih kiba thmu ban leit thied ym shym la ioh ei ei, lait noh tang ka pisa kaba long T.2,730 tyngka.
Hadien ba ladep ban leh iaki test baroh la pynshisha ba utei u powder uba ioh naki u dei u drug uba bun na ki khun samla bad ki hep kiba rit ki shait pyndonkam bha.
Kumta naka liang jong ka KSU Mawlai Circle kam sngew don jingmut shuh ban sneng ne ban pylong ia kita ki jingai jinghikai ne ki jingialap pyrshah drug, hynrei nangne shakhmat kan nang bthah ia baroh ki Unit kiba don hapoh ka jylli treikam jong ka Mawlai Circle ba kin long kiba peit bad ban ialeh pyrshah ia kum kitei ki jaitkam kampher la un dei tang nongdih ne u nongdie ruh.
Ha kajuh ka por na ka liang ka Circle ka khot kawer ia ki Dorbar Shnong Seng Longkmie bad Seng Samla jong ki shnong bapher bapher kiba don haka shnong Mawlai ba kin ai ia ka jing iatrei lang kaba radbah khnang ba ngin lah ban iakhun ia utei u jingdih uba long ka jinghiar thma kaba jar jar jar ia ka jaitbynriew hi baroh kawei lyngba ki khun samla bad ki hep barit,pynkut ka kyrwoh na ka KSU Mawlai Circle.
Phi don ban ong eiei?