Ar ngut ki nongialehkai Athletic, jied ka MAA sha ka National Athletic C’ship

Shillong: Ka Meghalaya Athletic Association (MAA) ha ka sien nyngkong kan leit ban shim bynta sha ka 59th National Open Senior Athletic championship ha Ranchi Jharkhand ka sdang naduh 10 haduh14 tarik mynta u bnai 2019.

Ka MAA ka la sei ar ngut ki nongialehkai u Dising Phawa,West Jaintia ha ka jingiakhun ba 3000 mt ba la khur takma ksiar ha ka iakop 1500mts U-20, bad Batsrang Sangma ha ka 5000 mts ba la paw ha ka iakop mareh ba jngai bad bun ki jingiakop mareh half marathon na Tura.
Ia kane ka kynhun yn ialam da ka manager cum coach ka Babira Momin na ka tnad ialehkai ka jylla.
Katkun ka kyrwoh ba la phah da bah Finely Pariat Secy ka MAA ula ong ba kane ka dei sien banyngkong ban kyntiew ia ki khynnah ka jylla ha ka jingialehkai ban pynkhreh ia ka National Game 2020. Na ka liang ka synjuk ka kitbok ia ki nongialehkai ba kin lah ban ialehkai bha ban wanrah burom ia ka jylla da ka nam jop.