Yn jied nongialehkai ka MFA sha ka National Junior Championship

Shillong: Ka Youth Development Cell (YDC) jong ka Meghalaya Football Association ka la sdang ia ka prokram jied khynnah ialehkai U-17 Junior Team na ka bynta ban leit iashim bynta ha ka lympung ialehkai Football National Junior Championship jong ka AIFF ka ban long ha u bnai Nohprah.

Ka YDC ka la shim khia ban pynlong kham kloi ia kane ka prokram na bynta ban ioh pynkhreh kham bha ia ki khynnah ialehkai watla kadei ka por ba ki khynnah ki bun kam ban pynkhreh na ka bynta ki final eksam.

Ka MFA ka la pynshang ban lum ia baroh ki khynnah na ki District kiba la pyniasoh ban ioh ia ki khynah ba kynsai hynrei ki don tang khyndiat ngut kiba la wan iashim bynta ha ka prokram.
Na ka liang ka MFA ka la pyntip ba kan pynlong biang ia ka jingjied khadduh kynthup ki khynnah ba la dep ban jied na ka kynhun ialehkai Subroto Cup ba dang shu dep shen bad na kiwei ki District. Ka prokram ban jied khynnah kan long ha Tura.