Shillong: U bah Lambor Malngiang, u ba dei u Chairman jong ka Meghalaya State Planning Board (MSPB), u la ong ba na ka liang jong u, un ym leit ban ialap ilekshon na bynta jong no jong no ruh ha kane ka ilekshon MLA shiteng samoi ha 26-Shella Konstitwensi ka ban long ha ka 21 tarik mynta u bnai.
Utei u MLA shimet u ba don lang ha ka sorkar Meghalaya Democratic Alliance (MDA) u la pynpaw ba na ka liang jong u, u kwah ba ka jing jop kan wan sha u kyrtong ba don lang ha ka sorkar MDA bad kitei ki long u kyrtong jong ka UDP bad jong ka PDF bad u kyrtong shimet.
Haba pynshai halor ka United Progressive Forum (UPF), u bah Lambor u la ong ba kane kam dei ka seng sain pyrthei, hynrei ka dei ka tang ka kynhun.
U la ong ba lada u leit na ka bynta u kyrtong ka party UDP, ka la shitom ban kiar, namar ba u don ka jingiadei kaba jan bad ka iing ka sem jong u Dr Donkupar Roy (bam kwai ha dwar u blei), lada u leit na ka bynta u kyrtong ka PDF, kam bha namar ki ia don lang ha UPF. Kumta u la rai ban nym leit ban ialap na ka bynta jong no jongno ruh.
Phi don ban ong eiei?