Shillong: Ka kynhun myntri sorkar pdeng ba la pyniaid da u Myntri Rangbah duh ka ri, Narendra Modi mynta ka sngi ka la mynjur ban pynlait ia ka jingsiew kaba dang sah jong ka Dearness Allowance (DA) sha ki nongtrei sorkar pdeng bad ka Dearness Relief (DR) sha ki nongbam penshon naduh ka 01 tarik Naitung, 2019 kaba la pyni ka jingkiew kaba 5% na ka dor kaba mynta kaba long 12% jong ka Basic pay/Pension, ban pyniahap dor bad ka jingkiew ki mar ki mata. Kane ka jingpynkiew kalong katkum ka jingai jingmut ka 7th Central Pay Commission.
Ka jingktah ia ka pla pisa na ka liang ka Dearness Allowance bad Dearness Relief kan kot sha ka T. 15909.35 klur shi snem bad T. 10606.20 klur ha u snem mang tyngka 2019-20 (na ka bynta phra bnai naduh Naitung, 2019 sha u Rymphang, 2020). Kane kan pynmyntoi ia kumba 49.93 lak ki nongtrei sorkar pdeng bad 65.26 lak kiba bam penshon.
Kane ka pynpaw ia ka jingkiew ha ka Dearness Allowance ia kaba la buh ba ka la kot sha ka T. 8590.20 klur ha ka shi snem, bad T. 5726.80 klur ha u snem mang tyngka ba mynta jong u 2019-20 (na ka bynta 8 bnai naduh u bnai Naitung 2019 haduh Rymphang 2020).
Ka jinglut ha kaba iadei bad ka Dearness Relief sha kiba bam penshon la antad ba kan long T. 7319.15 klur shi snem bad T. 4870 klur ha u snem mang tyngka ba mynta.
La siew ia ka Dear Allowance/Dearness Relief sha ki nongtrei sorkar pdeng bad kiba bam penshon ban pyniahap bad ka jingkiew dor. Ia ka Dear Allowance/Dearness Relief la pynthymmai arsien ha ka shi snem naduh 1 tarik Kyllalyngkot bad 1 tarik Naitung.
Phi don ban ong eiei?