Ka jingbym phai khmat ki Department Sorkar sha ki jaka thaiñ nongkyndong kiba long ki jaka ba itynnad ban shna Tourism

Halor katei ka phang ngi ka shnong Mawbidong kaba peit bad khmih ia kane ka jaka ba itynnad bad kaba khring bha ia ki ban jngohkai(tourism) hajrong Lum Tyngngaw kaba don ha syndah ka Shnong Mawbidong, South West Khasi Hills District.

Une u Lum Tyngngaw ulong uba jrong bad sawdong sawkun ki jingitynnat kiba lah ban khring ne iapmat lyngba ki jingitynnat haduh katta katta.

HALOR UNE LUM: Une u Lum iohi ia ka Shnong Mawsynram, ia ki shnong ka Hima Malai Sohmat, iaka wah Um-ngi, WahKynshi, ia kiba bun ki Shnong ka South West Khasi Hills, ki jaka Rep jaka riang kum ki diengkwai, ki Sohmarit, ki dieng Sohñiamtra, ki synsar, slatyrpad, diengsohphnat, kiwei² ki jait jingthung dieng, ki siej bad wat iaki shnong jong ka Ri Bangladesh.
HATRAI UNE U LUM: Ha trai une u Lum don ka shnong Mawbidong, Manad, Lummawbah, Pyndenlyngdoh, Ka wah Um-ngi, ka wah Um-it, ki wah rit babun, ki jaka Rep jaka riang jong kane ka Dongriwar bad ka khana (history) une u Lum naki tymmen hyndai kaba sngewtynnat shisha ha kaba ka society ka don naduh nyngkong haduh mynta kumba ka long.
Kumta ka shnong ka la pynlut daka bor dalade naka bynta ban leit pynkhuid iaki kynbat, ki lynti syngkien bad ban pynbiang malu mala ia kane ka jaka khnang ba ki nongwan jngohkai (tourism) kin lah ban ioh kiew halor une u Lum bad bun bah ki nongwan jngohkai na kine ki thaiñ bad wat kiba na Sor Shillong ruh ki don kiba la wan jngohkai ia une u Lum wat Lada ki lynti ki dang khohruh khohram bad ka Madan halor une u Lum ruh la taplut ki kynbat kaba shu khuid tang ban lah ban iaid briew.
Ka Shnong ka pynpaw lyngba ka khyrwoh na u Bah Tanlum k.kharai uba dei u Secretary Shnong Mawbidong bad ha kajuh ka por u dei u Secretary jongka shnong Mawbidong nga kyntu iaki department sorkar, ki bor district bad ki bor ba dei peit iaki kam jngohkai (tourism) ba kin ia phai khmat lem ban iarap khnang ba ka Shnong kan nang lah ban pynjanai bad lada ngi lah ban pynjanai ia kane ka jaka jngohkai lehse kan long kawei ka jaka jngohkai ba pawnam ha ka jylla ne wat haka Ri India.

Na u Bah Tanlum K.Kharai, Secretary Shnong Mawbidong village.