Kiew ka jing kamai ka phlim U Tiger, Hrithik sha ka T.200klur

Ka la iaid mynta la shi taiew kynthih, ba ka mih iew ka phlim War jong U Tiger Shroff bad U Hrithik Roshan bad ha kine ki hynniew sngi ba la iaid, katei ka phlim ia shoh ia dat, ka la kamai palat ia ka T.200klur.

Katei ka phlim, ka kamai T.50klur ha ka sngi sdang bad ka poi sha ka T.100klur ha ki lai sngi ba la pynmih bad mynta ka la poi sha ka jing kamai ba T.200klur.

Hynnin ka sngi, la iathuh ba ka War, ka kamai T.30klur bad lyngba katei ka jing ioh kamai, la khmih lynti ba kan poi sha ka T.217.75 klur antad.

Katei ka phlim, ka la pynrem noh ia kiwei de ki phlim, kiba iaid iew bha, jong u snem 2019, kum ka Kabir Singh, Bharat bad ka Uri:The Surgical kiba kamai T.200klur ha ka hynniew sngi. Ka phlim Kabir Singh jong U Shahid Kapoor, ka kamai T.200klur ha ka 13 sngi bad ka phlim Bharat, jong U Salman Khan, ka kamai T.200klur ha ka 14 sngi bad kumta ka jingsted kamai, ka long mynta ia ka phlim War.