Shillong: Ka pung Polo ka la lynguh pum da ka jingpynngam blei ki riew ngeit Hindu myn hynnin ka sngi kaba dei ka sngi kut ka lehniam Puja.
Mynta u snem, ki don 242 tylli ki pandal mane blei kynthup 118 ha Khasi, 14 tylli ha Jaintia hills bad 110 tylli ha Garo Hills.
Ha Shillong la pynlong ia ka jingpyn ngam um ia ki blei thaw ha pung ha Polo ba la wan iashim bynta ki riew ngeit Hindu kynthei bad shynrang ba la sawa da ka ksing ka dhah, ka jingshad ka jingkmen.
Kumjuh ka la don ruh ka jingpyn ngam um ia ki blei ha Jaintia, ha Garo Hill.
Ia ka jinglehniam Puja la pynlong hapoh ka jingpeit ka Central Puja Committee (CPC) .
Ka Central Puja Committee (CPC), kaba dei ka kynhun ki riew ngeit Hindu kiba sah ha Meghalaya.
Kane ka jingleh niam Puja ka la sdang ha ka 4 tarik bad ka la kut mynta ka sngi bad ka long kaba iaid beit iaid ryntih khlem kano kano ka jingjia.
Ki bor pulit ruh ki la pynbiang pahara ha kylleng ki jaka ba pynlong ia ka jingleh niam Puja bad la buh ruh da ki kor ring dur ne CCTV.
Ki por ba la leit ba ki green warriors ki pynkhuid ia ka wah umkhrah long Kum ba pynkhuid na ka bynta ban Bret blei ki niam Hindu. la dei ban shna kyrpang ia ka jaka Bret blei Jong ki ym dei ban shah shuh ban Bret ha ki wah.