Shillong: Ka lympung ialap elekshon na ka bynta ka elekshon shiteng samoi ha Shella konstitwensi kan thnem hadien ba la kut ka Puja mynta ka sngi.
La ioh jingtip ba ki nongialam jong ki party bapher bapher naduh ki nongialam ka BJP, UDP, NPP bad Congress kin hiar sha Shella ban ialap ia ki kyrtong jongki.
Ki hynriew ngut ki kandidet ba la mih madan ki kynthup ia u kyrtong ka United Democratic Party (UDP) bah Balajied Kupar Synrem uba dei ruh u khun u Dr Donkupar Roy ba dang shu khlad, u kyrtong ka Bharitya Janata Party (BJP) bah Joshua Warjri, u kyrtong ka Congress (INC) bah Batyngshain Laitmon Ryngnga, u kyrtong ka People’s Democratic Front (PDF) bah Mosjo Rockfeller Wanswett, bad 2 ngut ki kyrtong shimet, Grace Mary Kharpuri and Komen Laitmon.
Ka elekshon kan long ha ka 21 tarik bad ka jingjiew kan long ha ka 24 tarik. Ha Shella ki don 29,582 ngut ki nongthep ne nongjied kynthup 14,844 ki kynthei bad 14,698 ngut ki shynrang.
Phi don ban ong eiei?