Maham ka Seng ki nongdie doh masi, ban bret masi iap ha u pud ka Demthring

Jowai: Ka Seng ki Nongdie Doh Masi ha rilum Jaintia Hills ka la maham jur ia kito ki nongkhaii masi tuh sha Bangla ban bret pathar ia ki masi iap lyngba u surok Jowai-Amlarem kaba hap hapoh u pud u sam jong ka shnong Demthring.

U ma D. Ryngkhlem uba dei u Secretary ka Seng ki Nongdie Doh Masi, u la iathuh ba bunsien bunsien ka la mih ka jingsma iwtung haba iaid lyngba utei u surok namar ka jingbret pathar ia ki masi iap da kito ki nongkhaii masi tuh sha Bangladesh.

Kine ki nongkhaii masi tuh ki la wan kit ia ki masi da kaba khapngiah ban ioh nong kham bun bad ha ka por kaba kit ia ki, ki don kiba iap noh bad la shu bret pathar ia ki bad kane ka la wanrah ka jingsma iwtung haduh katta katta ha kaba ki paidbah kiba iaid ba ieng lyngba kim lah shah shuh.
“Ka seng ki Nongdie Dohmasi, Jaintia Hills ha ryngkat ka Dorbar Shnong Demthring ka la maham jur ba lada lap ia kum kitei ki nongkhaii ne ki driver trok kiba bret thurmur ia ki masi iap, ki hap ban bishar ia ki bad haduh ban aiti ia ki sha ka bor jong ka ain”, la ong u ma Ryngkhlem haba kren bad URupang.