Ki jingtah pynbhabriew bad ki kyndon kiba phi dei ban bud

[ba bteng]

Step3 – Ban tah pynbhabriew iaki khmat: (1) Eyebrows – Hato mynta ki por baroh kiba kwah ban don ia u niu khmat u ba rben bad iong itynnad? Sdang dakaba khap ryntih(threading) bad tah pynrben ia u niuhmat jongphi ba un wan dur bha haka rukom kaba dei. Ban leh iakine ymtang ba ki pynwandur iaka dur ka dar jongphi hynrei kan pynbhabriew iaphi shibun. Bad lada phi kwah ban ioh ia u niuhmat u ba rben bad itynnad donkam ban tah da ka castor oil man ka miet.

(2) Eye-shadow – Ki eye-shadow kidei ki jingtah khmat ba bunrong kiba phi lah ban tah katkum ka jingkwah jongphi ban pyniadei bad ka riam ka beit jongphi. Haba phi pyndonkam iaki eye shadow nyngkong phi dei ban nang kumno bad hakano ka por dei ban pyndonkam. Mynsngi phi lah ban pyndonkam da ki eye-shadow kiba stang ne bymthaba ne ki colour Riche Monos Eye-shadow bad mynmiet pat phi lah ban tah rben ne kiba phyrnai (Metallic eye-shadow).Bun sien hi iaki eye-shadow la ju pyndonkam tang haki por miet haba leit sha kino kino ki jingkhawai sngewbha namar ki paw shai bha bad khring iaki durkhmat jongphi.

(3) Eyeliners – Bun naphi phim tip hynrei katkum ki riewstad la shem ba u eyeliners(liquid or solid) u dei uba lah ban pynkhuid iaki jaboh kiba lang haki khmat jongphi. Namarkata phi dei ban sngewthuh ym tang ba u pynitynnad iaki khmat hynrei u ba ai jingkoit jingkhiah ruh. Te lada phim long kiba smat ban pyndonkam eyeliners pyrshang noh namar ka khmat kadei kawei kaba lah ban pynbhabriew bad khring ia Ka dur khmat la phi don ha kano kano ka dur ka dar.

Step4 – Kumno ban tah pynitynnad iaka shyntur. Lipsticks – U lipstick u dei u wei u ba baroh ki kynthei ki sngewtynnad eh ban tah haki rymmiang shyntur jongki. U dei u bynta ba khatduh hadien ba phi lah dep tah pynbhabriew ia baroh ki durkhmat jongphi. Don bun jait ki rong lipstick kiba phi lah ban pyndonkam kat kum ka jingkwah jongphi namarkata shuwa ban pyndonkam phi dei ban tip kumno ban pyniadei bad ka sniehdoh ne bad ka riam ka beit jongphi. Shuwa ban tah lipstick pynthikna phin pyndonkam shuwa ia u lip liner namar u pynwandur bad pynbeit ryntih ia ki rymmiang shyntur jongphi hadien kata phi lah ban pynkut da kaba tah ia u lipstick u ba phi sngewtynnad ne sngew iahap.

Step 5 – Kumno ban pynkhuid iaki jingtah pynbhabriew naki durkhmat jongphi :- Wat mlien ban thiah khlem sait iala ki khmat ne pynkhuid iaki jingtah pynbhabriew shuwa ban thiah. Ban leit thiah khlem da pynkhuid shuwa iaki durkhmat kan khanglad bad set iaki thliew syep bad kane kan pyn tyrkhong ia ka sniehdoh kaba ialam sha ka jing mih khñiang haki durkhmat. Ban pynkhuid ia ki durkhmat phi lah ban pyndonkam da ka um Micellar kaba lah ban pynkhuid kloi iaki jingtah pynbhabriew, ki khlein bad ki jakhlia kiba don haka durkhmat. Ka ei kaba phi dei ban leh wih ia u kynphad ha ka um Micellar bad ñiad pynkhuid iaki jakhlia kiba dam bit haki durkhmat nangta sa sait khuid da ka um..