Ym pat rai pynlong elekshon ka sorkar ha GHADC

Shillong, 16 Jylliew:
U myntri ka tnad District Council Affairs (DCA) u Bah HDR Lyng doh u la ong ba ka sorkar jylla kam pat rai ban buh tarik na ka bynta ka elek shon sha ka Garo Hills Autonomous District Council (GHADC).
“Ngi kyrmen ba ngin lah ban long ia ka elekshon hapoh ka hynriew bnai shwa ban kut ka por pynjlan ia ka GHADC. Ka por ban pynjlan ia ka Council kan kut ha 17 tarik Nailur myn ta u snem,”, la ong u Bah Lyngdoh haba jubab ia ka jingkylli hapoh ka iing dorbar thawain hynne ka sngi Nyngkong.
Haba jubab ia ka jingkylli bynrap da u MLA ka Sohra u Titosstarwell Chyne, u Bah Lyngdoh u la iathuh ba ka sorkar ka la pynjlan ia ka por jong ka GHADC hynriew bnai namar ba ka don ka jingiasoi bad ka ANVC.
“Ka jingiasoi ia ka soskular ban shah ia ka ANVC ban iashim bynta ha ka synshar paidbah ban iakhun ia ka elekshon MDC. Ka sorkar ka la shim ia ki lad ki lynti ban wanrah ia ka jingsuk ha Garo Hills”, la ong u Bah Lyngdoh.
Haba jubab ia kawei ka jingkylli, u Bah Lyngdoh u la ong ba ka jingiasoi soskular bad katei ka seng ka la poi ha ka bynta ban kut artad.
“Ngin buddien ia kane ka kam bad ka tnad kam pohiing ban pynsted ia kane ka kam hadien ba laiasoi ia ka soskular”, la ong u myntri ka tnad DCA.
Haba jubab shuh shuh ia kawei ka jingkylli jong u MLA ka NPP u James K Sangma, u myntri rangbah ka jylla u Dr Mukul Sangma u la iathuh ba ka ANVC (B) kam don bynta ha ka jingiasoi bad ka sorkar ha ka bynta kaba kut.