Shillong: Ka East Jaintia Baby League 2019 bala pyniaid da ka East Jaintia hills District Football Association(EJHDFA) ryngkat ka jingiatreilang bad ka Meghalaya Football Association bad ka sorkar Meghalaya ka la sdang ia ka jingialehkai ba nyngkong jong ka mynnin ka sngi saitjain ka 28tarik Nailur, ha Madan ka Association ha Deinchynrum Khliehriat.
Hynriew tylli ki team ki ba iashim bynta. Man ki team ki don ki khynnah ha ki 5 kyrdan, Under-6,under-7,under-9,under-11,under-12. Ha kane ka jingialehkai la pynialehkai khleh iaki shynrang bad kynthei.
Ha kane ka sngi sdang, kumba 322 ngut ki khynnah ki la ioh iashim bynta kaba kynthup ia ki kynthei ruh. Ia kane ka jingialehkai ka Association yn pynialehkai tang haka sngi saitjain bad sngi shuti. La sakhi ruh ha kane ka sngi iaka jingshim bynta ba shit rhem jong ki kmie ki kpa kiba la synran lang ia ki khun.
Ki trai jong baroh ki 6 teams ki shim ruh ia kane ka kabu ban ai khublei ia U Minister Shri. Kyrmen Shylla, uba la noh synniang mar shi set ki uniform ia ki team baroh, ong ka khubor ba la pynlait da U Baby League Event Manager Ma Coming TM Tlang, uba long ruh U General Secretary ka EJHDFA.
Phi don ban ong eiei?