Kut ka dorbar Jylla

Shillong, 16 Jylliew:
U Lamphang ka iing dorbar u AT Mondal ha kane ka sngi nyngkong u la pynwai shwa ia ka dorbar.
Shwa ia kane, la pas ia ka Meghalaya Appropriation Bill (No.II) Act 2014. Ia ka Bill la pas ha kaba ka pisa kaba T.11933 klur la bhah sha ki tnad bapher bapher ka sorkar na ka bynta ban pynlut ha u snem 2015 shwa ka 31 tarik Lber.
Nalor ka Meghalaya Appropriation Bill (No.II) Act 2014, ka Martin Luther Christian University (Amendment) Bill, 2014 bad ka Meghalaya Special Courts Bill, 2014 la pas.
Ka dorbar mang tyngka ka la sdang ha ka 6 tarik Jylliew ka la sakhi ia ka jingiatainia kaba jur bha halor ka jingthut ka suk ka sain ha Garo Hills nalor kiwei ki mat ba iadei bad ka im ka iap jong ka jylla.