U bah Joshua Warjri kum u kyrtong ka BJP na bynta ka shella constituency

Shillong: Mynta ka sngi ka seng sain pyrthei Bharat Janata Party (BJP)ka la pynbna ia u bah Joshua Warjri Kum u kyrtong jong ka BJP ban ia khun ia ka by- election na 26 Shella konstituennsi 2019.

U bah Joshua Warjri u la ong “Kaba pynlong ia nga ba ngan jied ia ka party BJP namar ba ka dei tang ka BJP kaba long kum u dieng bah bad kiwei kiwei ki party ki long kum ki tnad bad haba ngi kwah ia ka roi ka par ngi dei ban ia snoh ha ka party ka ba lah ban ai ia ka roi ka par”.

“Na ka liang jong nga, nga mih ban ia khun ia kane ka election namar ba kan long kum ka jingkit khlieh ba ki paidbah nongshongshong ki tei ki thain kam don kano kano ka kam pynroi” u la ong.

Na ka liang u nongialam ka BJP Mehgalaya u bah Shibun Lyngdoh u la ong “Nga kyrpad ia baroh ki dkhot jong ka BJP ban leit sha Shella ban pynbna bad pynsngew thuh ia ki paidbah ia ki jingioh jing myntoi ban pynjop ia ka ne ka seng.”

“Ngi don ka jingkyrmen ba ka jing jop kan wan ha ka BJP namar ki briew kin latip ia ki jing myntoi ba ki ioh na ka sorkar Pdeng.”