Nongpoh: Ki dkhot ka HANM, Western Ri Bhoi Circle, hynnin ka sngi ki la leit ban pynher krad ia ki katto katne ngut ki bar jylla, kiba la wan trei bylla khlem ki kot ki sla kiba biang, ha ki shnong kiba don ha ka thain Umrit, Patharkhmah.
Kitei ki bar jylla, kiba la shah beh noh ha ki dkhot ka HANM, ki dei kiba la wan ban trei kum ki Misteri ha ki shnong jong katei ka thain. Hynrei haba kitei ki dkhot ka HANM, ki la leit ban khynra la lap ba kim shem la don ia ki kot ki sla kiba biang bad kaba la pynlong ia kitei ki dkhot ka HANM ba kin beh syndon ia ki.
Halor katei ka jingpynher krad ia kitei ki bar jylla, u Bah Lamjingshai Shangdiar, President, u la ong ba ka seng ka sngewkhia ba iohi ba ki bar jylla, ki bym don ia ki kot ki sla kiba biang, ki la wan ban kam trai lut ha baroh ki jingtrei, hynrei kaba pynsngewsih eh ia ki dkhot ka HANM, ka dei hadien ba ki la lap ba kitei ki kam kiba la trei da kitei ki bar jylla, ka long ba ki samla Khasi ruh ki suk bha ban trei.
Kumta halor katei ka jingmlien ki briew ba wanrah nongtrei da ki bar jylla, utei u nongialam ka HANM, u la ong ba ka seng hi ka maham jur, namar ka jingwanrah da ki nongtrei bar jylla, ka pynjynjar pat ia ki samla Khasi, kiba dei ki Misteri bad kiba wad jingbylla. Namarkata ka seng ka kyntu ia kiba kum kitei ki briew ba kim dei shuh ban wanrah nongtrei na shabar, namar kan pynduhnong ia ki samla Khasi.
Sir/Madam
Nga kwah ban kyrpad lem iaphi ba lada long kaba lah sngew seh pyn mih lem iaki khubor jong ka seng HANM Western ribhoi circle jong ngi ha ka 1st page khnang ba kin tip lem ki nong kyndong jong ngi Shane sha them ribhoi namar bun bha ki issue border area jong ngi shane artat kadei ka jaka ba marjan bha bad ka jylla Assam khublei shibun.
Nong kyrpad
Shri. Lamjingshai Shangdiar
President HANM Western ribhoi circle
Bad kum ka jing sngew nguh iaphi, phi lah ban send lem ka personal account ne office account