60 Sq.km jah klep ka jaka ka Meghalaya, lap ka CSWO

Shillong,14 Jylliew:
Ka President jong ka Civil Society Women Organisation (CSWO) ka kong Agnes Kharshiing ka la pynpaw ia ka jingsngew lyngngoh halor ka jingjah klep ka jaka ka jylla kum ba 60 Sq.Km, bad katei ka seng ka la lyngngoh mano ba la pynkylla ia ka jingkhein na ka rikod jong u snem 1972, bad halor katei ka bynta ka CSWO ka kwah ban pan jingshai na ka sorkar, shano ka jah ka jaka kumba 60 Sq.Km.
Ka kong Agnes ka la iathuh ba la lap ia ki rikod kiba biang , kiba pyni ba na ka kot ba la thoh da u bah W.L Lyngdoh,IAS, kaba la ai kyrteng ka ‘Meghalaya Socio and Economic Review’ ha ka ba ka Directorate of Economic and Statistic Meg halaya, Shillong ka la buh ia ka ripod da ka Di rectorate area and District of Meghalaya ha u snem 1972 bad ka jingdon ka jaka jong ka United Khasi bad Jaiñtia kat kum katei ka record ka long 14,405 Aq.Km bad ka Garo ka long 8084 Sq.Km bad baroh ka jaka jong ka Meghalaya ka long 22,489 Sq.Km bad kat kum ka jinglum jingtip da u ophisar ha u snem 1972 ka United Khasi bad Jaiñtia ki don artylli ki civil sub Division bad khatlai tylli ki community Development Block katba ha Garo ki don khatwei tylli ki community Development Block.
Kaba pynlyngngoh ka long ba ha u snem 2005 ka State of the Environment report ka pyni ba ka jaka jong ka Meghalaya ka don 22,429 Sq.Km, kaba pyni ba na ka rikod jong u 1972 ka jaka ka la jah klep kumba 60 Sq.Km.
Ha kaba ia dei pat bad ka jingdon ki Civil Sub-Division bad kumjuh ruh ki C&RD Block ka kong Agnes kam shym la kynthoh eiei ha kaba ka la ong ba mynta kitei ki tnad ki la nang iar katkum ka jingiaid ka por.