Tohkit ka tnat Income Tax, ia ka tnga U Lavasa, u dkhot ka EC, ba ka long trai ia bun ki kompeni

New Delhi: Ka tnat Income Tax jong ka sorkar India, mynta ka sngi, ka la pan jingshai na ka tnga jong U Ashok Lavasa, uba dei u dkhot jong ka election commission, halor ka jingkamai pisa jongka, namar ba ka dei ka director jong kiba bun ki kompeni.
La iathuh ba ka tnga U Lavasa, ka long director jong shibun ki kompeni, hadien ba U Lavasa, u shimti kum u dkhot jong ka election commission.

U Lavasa, ula paw bha ha ki kotkhubor ha ka elekshon MP ba dang shu dep bad ka daw, ka long namar ba um mynjur ha kumba 11 tylli ki rai jong ka Election Commission, kiba la ujor pyrshah ia U Modi bad U Shah, namar ba ki pynkhein ia ki kyndon elekson, ha ka elekshon Lok Sabbha ba dang shu dep.
Ha ka 4tarik Jymmang 2019, U Lavasa ula ong ba ka jingdon jongu, ha ka jingialang jong ka EC, kam don jingmut satia, namar ba ia ka jingsngew pyrshah jongu, ym shym la thoh satia ha ki rai jong ka EC.