Ha ka rta kaba 83 snem ula pyndep ia ka kyrdan Master’s degree

U la don 83 snem ka rta, hynrei kam pat don ka jingkutlad ia u, namar ba U Sohan Singh Gill, u dang shu pyndep ia ka jing pule Master’s degree ha ka 18tarik Nailur 2019.
U Gill, ula ioh pdiang ia ka degree jongu, ha ryngkat ka jingpdiang burom jong kiba bun na ka Lovely Professional University ha Jalandhar, Punjab.
U Gill, u shong u sah ha ka shnong Datta jong ka Hoshiarpur, Punjab bad ula sangeh noh ka jingpule ha u snem 1957, hadien ba ula pyndep ia ka Graduate na Khalsa College ha Mahipalpur bad hadien kata, u shim noh ia ka kam hikai skul.
Ar snem mynshwa, ha ka rta kaba 81, U Gill, ula shim da ka jingpule kaba na iing bad mynta u snem, ula pyndep ia katei ka kyrdan jongu ha ka sobjek English.
“Da ka mon jong U Blei, nga la lah ban ioh ia kaei kaba nga angnud. Ka English, ka dei ka sobjek kaba nga bang bha naduh ba nga dang kynnah. Ha ka por ba nga sah ha Kenya, nga la ioh lad ban pyntbit ialade ha katei ka sobjek”.
Ia u Sohan Singh Gill, la kha ha ka 15tarik Nailar 1937.