Pynliem ka St. Anthony College ia ka St Edmund College

Shillong: Ka St Anthony’s College Shillong ka la pynliem ia ka St Edmund College Shillong da 28-05 ha ka jingiakhun basketball ki kynthei ka NEHU Inter College Basketball (Men & Women) Championship 2019 kaba long mynta ka sngi.

Ha kawei ka jingialehkai, ka Seng Khasi College ka la pylliem ia ka St. Mary’s College da 25-23, ka Lady Keane College ka pylliem ia ka Synod College da 43-16 bad ka Shillong College ka pylliem ia ka P.G.NEHU Shillong da 41-25.

Ha ka jingiakhun jong ki shynrang pat, ka Union Christian College pylliem ia ka B.B.S College da 58-12, ka St. Dominic College ka jop ia ka Shillong Commerce College da 45-39, ka Shillong College ka pylliem ia ka N.E.Adventist College da 52-20 bad ka K.L.Bajoria College ka pylliem ia ka Shillong Law College da 74-27.
Lashai ka jingialehkai ha ka semi phainal ki kynthei kan long hapdeng ka St. Anthony’s College vrs Seng Khasi College bad ka Lady Keane College vrs Shillong College.
Ha ka liang ki shynrang, ka jingiakhun ha ka Quarter kan long hapdeng ka St Anthony’s College vrs Synod College, U.C.C vrs St Dominic College, St. Edmund’s College vrs P.G.NEHU Shillong bad ka Shillong College vrs K.L. Bajoria College.