Khang ka dorbar shnong Umkiang, ia ka jaka ieng jong ki trok

Shillong: Ka Dorbar Shnong Umkiang kan khang shipor ia ka jaka ieng kali, (Truck Layby) kaba don hapoh ka Shnong Umkiang, East Jaintia Hills District.

Ka jingkhang jong ka Shnong ia kane ka jaka pynieng kali ka long namar ka NHAI kam pat plie ia kane ka jaka, hynrei la shu ieh kumto khlem da don ki nongpeit nongsumar. Bad haba ym don ki nongpeit ia kane jaka ka pynlong ia ki nongpynieng kali (truck) ban bret khlem akor ia ki bitor kyiad bad ki plastic ha katei ka jaka, kumta ka pynjakhlia ne pynjaboh ia mariang namar ka shnong ka la shim khia bha kumno ban pynkhuid ia ka shnong ka thaw khamtam ki plastic.

Te halor katei ka jinglong jingman katei ka parking, kam shnong kam shah shuh ia ki Truck ban ieng hangtei tad haduh ban da don ki nongpeit na ka liang jong ka NHAI. Ka Shnong kam shah ruh ia kino kino ki company / riewshimet / agency ban shim contract ia katei ka jaka khlem ka jingbit ne ka jingsngewthuh jingmut bad ka Dorbar Shnong Umkiang.